Жаслар аўқамының биринши стипендиаты Наргиза Балтабаева

 

Жаслар аўқамының биринши стипендиаты Наргиза Балтабаева

 

Бердақ атындағы Қарақалпақ мәмлекетлик университетиниң Қарақалпақ филологиясы факультети 2-курс студенти Наргиза Балтабаева Өзбекистан Жаслар аўқамы стипендиясы жеңимпазы болды. Буның ушын ол «Қарақалпақ университети» газетасы қасында «Халық даналығы» клубын шөлкемлестириў бойынша жойбары менен қатнасты. Жойбардың қысқаша мазмуны халқымыз арасында кейин пайда болып атырған даналықларды жыйнап, оны газетада басып шығарыў.

Жаслар аўқамының биринши стипендиаты Наргиза Балтабаева

 

Хожелиде туўылып өскен Наргиза 20l6-жылы академиялық лицей ҳәм кәсип-өнер колледжлери оқыўшылары арасында өткерилген пән олимпиадасында Қарақалпақ тили ҳәм әдебияты пәнинен республика басқышында жақсы нәтийжелерге еристи. 20l5-жылы «Сиз нызамды билесиз бе!» таңлаўында «Адолат» топарында қатнасып, Қарақалпақстан Республикасы басқышында биринши орынды ийеледи. Оның республикамыздағы «Жеткиншек», «Қарақалпақстан жаслары», «Жипек жолы», «Устаз жолы» газеталарында, сондай-ақ, «Қарлығаш» журналында қосықлары ҳәм 50 ге жақын мақалалары, соның ишинде илимий басшысы, профессор Шамшетдин Абдиназимов пенен биргеликте l0 нан аслам илимий мақаласы халықаралық конференция топламларында, шет ел ҳәм жергиликли басылымларда жарық көрди.

Наргиза бос ўақытларында шет тилин үйрениўге, илим менен шуғылланыўға ҳәрекет етеди.

— Әлбетте, жетискенликлеримде устазларымның мийнети айрықша, - дейди ол. — Стипендиат болыў мойнымдағы жуўапкершиликти еки есе асырады. Өзбекистан Жаслар аўқамы стипендиясы ушын болған таңлаўда жеңимпаз болыўымда қарақалпақ филологиясы факультетинде оқып атырғанымның орны айрықша болды. Ташкент қаласында болып өткен жуўмақлаўшы басқышта барлық ўәлаятлардан келген қатнасыўшылар, төрешилер қурамы ағзалары да жойбар менен танысып, қарақалпақ хал­қының усындай алтын ғәзийнеси қарақалпақ аўызеки халық дөретпелери бар екенлигине тәсийин қалды.  Мен қарақалпақ перзенти болғанымнан қуўандым,-дейди Наргиза қуўанышын ортақласып.

 

 У.АБАТОВА,

ҚМУ, Журналистика тәлим бағдары 4-курс студенти.

Дерек: «Еркин Қарақалпақстан» газетасы

 

Фото: kknews.uz

скачать dle 10.6фильмы бесплатно



  • 1-02-2018, 13:05 |
  • 277