Қанлыкөл районлық «Баркамал әўлад» балалар орайында неше оқыўшы кәсип-өнер түрлеринен тәлим-тәрбия алмақта?

 

Қанлыкөл районлық «Баркамал әўлад» балалар орайында неше оқыўшы кәсип-өнер түрлеринен тәлим-тәрбия алмақта?

 

Өзбекистан Республикасы Халык билимлендириў министрлиги 2011-жыл 28-февралдағы 50-санлы ҳәм Өзбекистан Республикасы Министрлер Кәбинетиниң 2011-жыл  11-май 130-санлы қарарларына муўапық, Қанлыкөл районлық «Баркамал  әўлад» балалар орайында «Ашық есиклер күни» шөлкемлестирилди.

Илажда, Балалар орайы оқыўшылары өзлериниң қол мийнетинен жасалған мийнетлери  ҳәм дөретпелери менен қатнасты. Бул ҳаққында район ҳәкимлиги хабар бермекте.

Районлық халық билимлендириў бөлимине қараслы «Баркамал әўлад» балалар орайында тийкарынан техник дөретиўшилик (радио техника, электроника ҳәм байланыс, компьютер графикасы ҳәм дизайни), көркем-өнер (фольклор, жас журналист, жас аспаз, жас сүўретши, тоқымашылық, пишиў-тигиў, тақыя тигиў, моншақлы безек, аяқ ойын, шаңарақ саламатлығы), үлке таныў – экология (жас эколог, жас тәбиятшы, жас өсимлик таныўшы, қусшылық) бөлимдеги  жәми 17 бағдарларда жумыс алып барылып, онда район аймағындағы улыўма билим бериў мектеплеринен жәми 460 оқыўшы кәсип-өнер түрлеринен тәлим – тәрбия алмақта.

 «Баркамал әўлад» орайында оқыўшылардың излениўшилигин раўажландырыў, дүньяға деген көз-қарасын  кеңейтиў, ҳәзирги  заманға сай технологиялар менен биологиялық  жанлы тәбият дөретиў ҳәм жанлы экспонатлар жаратыў бойынша ҳәр бир дөгерек басшылары ис-илажларының баслы бағдарлары етип белгилеп алынған.

   Илаж даўамында, балалар орайы оқыўшыларынан Тангирбергенова Ироданың қарақалпақ халқының қара үйи менен қобыз шерткен Қорқыт ата ҳәм дуўтар услаған Ҳүрлиман бақсы қыз тымсалындағы безеклери, Жумашов Бекзадтың ушыўшы самолёт модели, Жалғасов Ринат ҳәм Дәўлетназаров Жамшидтиң қағаздан жасалған көлемли самолёт моделлери илаж қатнасыўшыларында қызығыўшылық оятып үлкен тәсир қалдырды.

Илаж қатнасыўшыларына балалар орайының оқыўшыларының атқарыўындағы концерт бағдарламасы болды.

 

 

 

 

скачать dle 10.6фильмы бесплатно



  • 27-01-2018, 13:02 |
  • 154