Нөкис қаласында ойлап табыўшы ҳаял-қызлар қатары кеңеймекте

Нөкис қаласында ойлап табыўшы ҳаял-қызлар қатары кеңеймекте

 

Бердақ атындағы Қарақалпақ мәмлекетлик университети Мәденият сарайында Өзбекистан Ҳаял-қызлар комитети ҳәм комитет жанындағы «Ойлап табыўшы ҳаял-қызлар» бирлеспеси тәрепинен өткерилип атырған «Өзбекистан ҳаял-қызларының 100 ең жақсы инновациялық идеясы» Биринши Республика таңлаўының Қарақалпақстан Республика басқышында сайланған идеялар презентациясы болып өтти.

Инновациялық идея ҳәм ислемелерди өмирге енгизиў, олардың авторларын хошаметлеў, қоллап-қуўатлаў, илимий-изертлеў жумысларын алып барыўға жәрдемлесиў мақсетинде өткизилип атырған таңлаў презентациясында Ең жақсы 30 идея ийелери сертификат ҳәм мақтаў жарлығы менен сыйлықланды. Солардан 15 жеңимпаз Ташкент қаласында болып өтетуғын финал басқышы ушын таңлап анлынды.

Мухаммед ал-Хорезмий атындағы Ташкент информациялық технологиялары университети Нөкис филиалы студент қызларынан Бозорбоева Дилрабо ҳәм Сейтмамбетова Дилфуза "Ең жақсы ЭЕМ ушын жаратылған дәстүр ҳәм мағлыўматлар базасы" бағдары ушын, Йўлдошева Соҳиба "Жас исбилермен ҳаялдың киши бизнес ушын ең келешектеги инновациялық идеясы" бағдары ушын, ал Калбаева Назима болса белсенди қатнасқанлығы ушын сертификат ҳәм ҳүрмет жарлықлары менен сыйлықланды.

 

Саламат АВЕЗОВ,

Мухаммед ал-Хорезмий атындағы
Ташкент  информациялық технологиялары
университети Нөкис филиалы
«Оқыў жәрдемши бөлими»ниң лаборанты.

скачать dle 10.6фильмы бесплатно



  • 26-01-2018, 11:12 |
  • 933