Республика, халық аралық таңлаў ҳәм жарысларда жеңимпаз болған оқыўшылар Жоқары оқыў орынларына имтиҳансыз оқыўға қабылланады

Министрлер Кабинетиниң 7-ноябрьдеги қарарына муўапық, Халық аралық ҳәм республика олимпиядалары, таңлаўлары, жарысларында жеңимпаз болған академиялық лицейлер, кәсип-өнер колледжлери ҳәм улыўма билим бериў мектеплериниң оқыўшыларын сыйлықлаў тәртиби ҳаққындағы нызамға өзгерис ҳәм қосымшалар киритилди.

Оған муўапық, Республика (1-орын) ҳәм халық аралық таңлаўлар ҳәм жарыслардың, атап айтқанда, Олимпия ойынлары, Азия ойынлары, жәҳан чемпионаты ҳәм Азия чемпионатының индивидуал турларында жеңимпаз болған (1-3-орынлар) академиялық лицейлер, кәсип-өнер колледжлери ҳәм улыўма билим бериў мектеплериниң питкериўшилери жоқары оқыў орынларына тест сынақларысыз ҳәм қосымша имтиҳанларсыз қабылланыўы белгиленди. Алдынлары бундай жеңиллик халық аралық таңлаўлар ҳәм жарысларда 1-5-орын ийелеген оқыўшыларға енгизилетуғын еди.

Қарардың толық тексти менен усы жерде таныссаңыз болады.

скачать dle 10.6фильмы бесплатно



  • 8-11-2017, 12:01 |
  • 934