Қарақалпақстанда неше мектеп ҳәм бала бақша бар?

«Еркин Қарақалпақстан» газетасының рәсмий сайтында Қарақалпақстан Республикасы Халық билимлендириў минис­триниң орынбасары Жумагүл Уснатдинова менен сәўбет жәрияланды. Мақалада Минис­тр орынбасарының берген мағлыўматына қарағанда, 2017-2018-оқыў жылында 37360 оқыўшы республикамыздың улыўма орта билим бериў мектеплериниң 1-классларына қабыл етилген. Оларға Өзбекистан Республикасы Президенти тәрепинен берилетуғын 12 атамадағы оқыў қураллары барлық билимлендириў мәкемелерине толық жеткерилген.

Буннан тысқары, 57862 кем тәмийинленген шаңарақ перзент­лери бийпул қысқы кийим-кеншеклер, имканияты шекленген үй шараятында билим алып атырған оқыўшылар 855 дана оқыў қураллары менен тәмийинленеди.

Республикамызда 703 улыўма билим бериў мектеби, 306 мектепке шекемги билимлендириў мәкемеси, 17 «Бәркамал әўлад» балалар орайлары, Меҳрибанлық үйи педагогикалық жәмәәтлери келешек әўлад тәрбия­сында хызмет етпекте.

Быйылғы жылдың өзинде 38 мектепти жаңадан қурыў, реконс­трукциялаў, 20 мектепке шекемги билимлендириў мәкемелерин оңлаў, қурыў, жумыслары ушын қаржы ажыратылған.

 

Дерек: erkinkarakalpak.uz

скачать dle 10.6фильмы бесплатно



  • 8-09-2017, 09:51 |
  • 460