ТИТУ Нөкис филиалында «Ең жақсы тармақ администраторы» таңлаўы өткерилди

ТИТУ Нөкис филиалында «Ең жақсы тармақ администраторы» таңлаўы өткерилди

 

Студент жаслардың билимлерин сынаў мақсетинде Ташкент информациялық технологиялары университети Нөкис филиалында «Ең жақсы тармақ администраторы»  атамасындағы таңлаў өткерилди. Таңлаўға филиал студент жаслары ҳәм тараў кәрханалары қәнийгелери қатнасты.

Таңлаў 3 басқышта өткерилип, 1-басқышта қатнасыўшылардың теориялық билимлери тест сынағы тийкарында баҳаланды. 2-басқышта қатнасыўшыларға «Cisco Packet Tracer» бағдарламасында виртуал көринистеги компьютер тармақларын қурыў ҳәм үйрениў тапсырмасы берилди ҳәм 3-басқышта олардың тараў бойынша әмелий көнликпелери белгиленген шәртлер тийкарында сынақтан өткерилди.

Таңлаў жеңимпазлары мине усы тапсырмалар арқалы анықланды ҳәм сынақлар жуўмағы бойынша 1-орынды 4-курс студенти Лазарев Амир,
2-орынды 3-курс студенти Сабырбаев Дәўран ҳәм 3-орынды 1-курс студенти Оразбаев Нурсултан ҳәм 4-курс студенти Қутлымуратов Асқар ийеледи. Таңлаў жеңимпазлары саўғалар ҳәм дипломлар менен сыйлықланды.

ТИТУ Нөкис филиалында «Ең жақсы тармақ администраторы» таңлаўы өткерилди

 

ТИТУ Нөкис филиалында «Ең жақсы тармақ администраторы» таңлаўы өткерилди

 

Мағлыўмат ушын, Муҳаммед Ал-Хорезмий атындағы ТИТУ Нөкис филиалының «Телекоммуникация инжиниринги» кафедрасы баслығы, техника  илимлери  докторы  Қуўаныш  Сеитназаров басшылығын­да «Жас байланысшылар» дөгереги шөлкемлестирилди ҳәм 2016-2017 оқыў жылы даўамында студент жаслардың сабақтан бос ўақытларын мазмунлы өткериў мақсетинде өз әтирапына топлап оларға телекоммуникация технологиялары тараўы бойынша теориялық ҳәм әмелий билимлерин берип келмекте.

 

 

скачать dle 10.6фильмы бесплатно



  • 31-08-2017, 10:16 |
  • 307