ТИТУ Нөкис филиалында «On-line» командалық программалық олимпиадасы өткерилди

Муҳаммед Аль-Хорезмий атындағы Ташкент информациялық технологиялары университети Нөкис филиалында «Программалық инжиниринг» кафедрасы баслығы, техника илимлериниң докторы Р.Отениязов ҳәм кафедра ассистентлери А.Кадиров, Н.Татлымуратов, К.Жалелов ҳәм Р.Есимбетовлардың басшылығында Қарақалпақстан Республикасы көлеминде биринши мәрте Муҳаммед Аль-Хорезмий атындағы Ташкент информациялық технологиялары университети Нөкис филиалы студентлери ҳәм информациялық технологияларға тиккелей байланыслы болған кәсип-өнер колледжлери оқыўшылары арасында «Муҳаммед Аль-Хорезмий избасарлары» атамасында On-line тәризинде заманагөй программалық тиллери тийкарында командалық программаластырыў олимпиадасы өткерилди.

Командалық программаластырыў олимпиадасына қатнасыў шәртлери - тийкарынан 3 басқышлы болып, олар: 1-олимпиада өткерилиў күнинен 10 күн алдын «Программалық инжиниринг» кафедрасынан командалық дизимнен өтиўи; 2-олимпиада өткерилиў күнинен 1 күн алдын «Сынаў туры»на қатнасыў, яғный олимпиадаға қатнасыў көнликпелерин асырыў («Сынаў туры»нда – қатнасыўшылар өзлери қәлеген аралықтан интернет арқалы қатнасыў); 3-тийкарғы басқыш болып, бунда қатнасыўшылар тиккелей Муҳаммед Аль-Хорезмий атындағы Ташкент информациялық технологиялары университети Нөкис филиалының 102, 103 ҳәм 104-лабораториялық ханаларында 3 саат даўамында 6 программалық мәселелерди орынлаўлары талап етилди.    

Олимпиадаға филиал студентлери ҳәм колледж оқыўшыларынан дүзилген жәми 21 команда, яғный 100ге жақын студентлер ҳәм оқыўшылар қатнасып, өзлериниң заманагөй программалық тиллери тийкарындағы билимлерин сынақтан өткерди.

Олимпиада нәтийжелери бойынша:

1-орынды филиалдың 3-курс студентлеринен дүзилген «TITU NF-7» командасы;

2-орынды филиалдың 2-курс студентлеринен дүзилген «TITU NF-16» командасы;

3-орынды 3-курс студентлеринен дүзилген «TITU NF-6» командасы ийелеп, филиалдың Кәсиплик аўқамы тәрепинен таярланған қымбат баҳалы саўғалар менен сыйлықланды.

Кәсип өнер колледжлеринен келген оқыўшылар, командалар ағзалары жарысқа белсене қатнасқанлығы ушын филиал дирекциясы тәрепинен хошаметленди ҳәм «Программалық инжиниринг» кафедрасы оқытыўшыларына колледжлер командалары бириктирилип, келешектеги программаластырыў тараўы бойынша бирге ислесиўге, республика ҳәм жәҳан программаластырыў олимпиадаларына қатнасыў бойынша ўазыйпалар келисилип  алынды.

скачать dle 10.6фильмы бесплатно



  • 13-08-2017, 15:05 |
  • 327