Республикалық оқыў методикалық орайы өтирик хабарларға исенбеўди сорамақта

 

Пандемия себепли мектеп оқыўшыларының айырымлары дәстүрий, ал айырымлары онлайн түрде оқып атырған бир ўақытта оларды сабақлықлар менен тәмийинлеў баслы мәселе. Интернет тармағы ҳәр бир үйге кирип барған ҳәзирги заманда жақында Телеграм топарларда «2020-2021-оқыў жылында улыўма орта билим бериў мектеплериниң ижара сабақлықлары баҳалары» ҳаққындағы мағлыўматлар кең тарқала баслады. Деген менен, бул мағлыўмат тийкарсыз болып шықты.

 

Республикалық оқыў методикалық орайы өтирик хабарларға исенбеўди сорамақта

 

Қарақалпақстан Республикасы Халық билимлендириў министрлиги жанындағы Республикалық оқыў методикалық орайы сабақлықлар ҳәм оқыў методикалық қолланбаларды муўапықластырыў бөлими баслығы Фархад Калхназаров тарқалған хабарлардың тийкарсыз екени ҳаққында makan.uz’ға төмендегише мағлыўмат берди.

 

«Ол жерде келтирилген хабарлар өтирик, баҳалар болса тийкарсыз. Мектеп сабақлықларының ижара баҳалары еле тастыйықланбады. Сабақлықлардың ижара баҳалары рәсмий түрде Өзбекстан Республикасы Халық билимлендириў министрлиги тәрепинен тез арада жәрияланыўы күтилмекте. Егер баҳалар жәрияланса бул ҳаққында Қарақалпақстан Республикасы Халық билимлендириӯ министрлигиниң http://kkedu.uz ҳәм телеграм каналы болған https://t.me/kkeduuz мағлыўмат бериледи».

 

Фархад Калхназаровтың қосымша етиўинше, 1-класс оқыўшылары, «Меҳрийбанлық үйи», арнаўлы мектеп, мектеп-интернатлары ҳәм социаллық жәрдемге мүтәж шаӊарақ оқыўшылары мектептиң китапхана фонды тәрепинен сабақлықлар менен бийпул тәмийинленеди.

Бунда социаллық жәрдемге мүтәж шаӊарақ оқыўшылары дизими 1-сентябрьге шекем пуқаралар жыйыны өтинишнамасы ҳәм ата-аналар комитети жуўмағы тийкарында мектептиң педагогикалық кеңеси тәрепинен тастыйқланады. Бийпул берилген сабақлықлар оқыў жылы соңында толық топламда мектепке қайтарылады.

 

Республикалық оқыў методикалық орайы өтирик хабарларға исенбеўди сорамақта

 

Лалагүл Қаллыханова,

журналист

скачать dle 10.6фильмы бесплатно



  • 22-09-2020, 16:33 |
  • 933