“Юриспруденция” бойынша бакалавриатты жеңилликли тамамлаған питкериўшилер ТМЮУ магистратурасына тест сынақларысыз қабыл етиледи

«Ташкент мәмлекетлик юридика университети магистратурасына оқыўға қабыл етиў тәртибин жетилистириў ҳаққында”ғы Ҳүкимет қарары (513-сан, 26.08.2020-ж.) қабыл етилди.

 

Қарарға муўапық, 2020/2021-оқыў жылынан баслап төмендеги тәртип енгизиледи:

 

Өзбекстан пуқаралары Ташкент мәмлекетлик юридика университети (ТМЮУ) магистратурасына Мәмлекетлик тест орайы тарепинен өткерилетуғын тест сынақлары арқалы қабыл етиледи;

 

аралықтан, сыртқы ҳәм кешки тәлим формалары бойынша оқыўға базалық жоқары юридик мағлыўматқа ийе болған шахслар ислеп шығарыўдан ажыралмаған ҳалда қабыл етиледи;

 

базалық жоқары юридик мағлыўматқа ҳәмде мәмлекетлик ҳәкимият ҳәм орайлық басқарыў уйымларында юридикалық бағдар бойынша кеминде 5 жыл ис стажына ийе болған басшы хызметкерлерди ТМЮУ магистратурасына ислеп шығарыўдан ажыралмаған ҳалда аралықтан, сыртқы ҳәм кешки оқытыў бағдарламалары бойынша оқыўы ушын қабыл етиў тийисли мәмлекетлик уйымның биринши басшы усынысына тийкар, кириў тест сынаўларысыз, төлем-контракт тийкарында қабыллаў параметрлеринен тысқары әмелге асырылады;

 

“Юриспруденция” тәлим бағдары бойынша бакалавриатты имтиязлы тамамлаган питкериўшилер ТМЮУ магистратурасына тест сынақларысыз, төлем-контракт тийкарында, оқыў баҳасының 50 пайызын төлеп, қабыллаў параметрлеринен тысқары, оқыўды тамамлағаннан кейин ТМЮУ, юридикалық факультетлер, юридикалық техникумлар ҳәм ТМЮУ жанындағы академиялық лицейде кеминде 3 жыл үзликсиз ислеў мәжбүриятын жүклеген ҳалда қабыл етиледи;

 

базалық жоқары юридик мағлыўматқа ийе, юридикалық техникумларда кеминде 3 жыл ислеген педагог ҳәм басшы хызметкерлер ТМЮУ магистратурасына тест сынақларысыз, төлем-контракт тийкарында, қабыллаў параметрлеринен тысқары, оқыўды тамамлағаннан кейин бөлистириў бойынша әдиллик уйымлары ҳәм  мәкемелеринде, биринши нәўбетте юридикалық техникумларда кеминде 3 жыл үзликсиз ислеў мәжбүриятын алған ҳалда оқыўға қабылланады.

 

2021/2022-оқыў жылынан баслап Ташкент мәмлекетлик юридика университети магистратурасына оқыўға кириў ушын абитуриентлер Бирден бир мәмлекетлик хызметлер порталы ямаса Мәмлекетлик тест орайының веб сайты арқалы дизимнен өтиў тәртиби енгизиледи.

 

ТМЮУ магистратурасына айырым топардағы абитуриентлерди кириў тест сынақларысыз 2020/2021-оқыў жылы ушын оқыўға қабыллаў мүддети шеклеў тәризинде 2020-жыл 15-сентябрьге шекем узайтырылады.

 

 

Дерек: @huqiqiymalimleme

скачать dle 10.6фильмы бесплатно



  • 29-08-2020, 14:32 |
  • 528