Докторантура бойынша айырым сораўларға жуўаплар

Таяныш докторантураға (PhD) ҳүжжетлерди қабыллаў қашан басланады?

 -  Ҳүжжетлер жоқары оқыў орны ҳәм илимий-изертлеў мәкемеси қабыллаў комиссиясы тәрепинен 15-сентябрьден 15-октябрьға шекем қабылланады.

 

  Таяныш докторантураға кириў имтиханлары қандай формада өткериледи?

 -  Ҳүкиметтиң 2017-жыл 22-майдағы 304-санлы қарарына муўапық таяныш докторантураға кириў имтиханлары ҳәм докторантураға кириў ушын сәўбет ҳәр жылы 1–25-ноябрь аралығында өткериледи.

Пандемияға байланыслы жағдайдан келип шығып, имтиханлар мәселеси бойынша қосымша мағлыўмат бериледи.

 

  Еркин илимий излениўшиликке педагогикалық стаж болыўы керек пе?

 -  Пән докторы (DSc) илимий дәрежесин алыўда еркин излениўши болыў ушын илимий-педагогикалық стаж талап етилмейди.

 

 Еркин излениўшиликке хүжжетлер қашан қабылланады?

 -  Жоқары оқыў орынлары ҳәм илимий шөлкемлер талабанлардың еркин излениўшиликке ҳүжжетлерин 15-сентябрьдан 15-октябрьға шекем, 15-январьдан 15-февральға шекем, 15-апрельден 15-майға шекем, 15-июльдан 15-августқа шекем болған дәўирлерде қабылланыўы мүмкин.

 

 Стажёр-излениўшиликке квота сораў ушын кимге мүрәжат етиў керек?

 -  Жоқары оқыў орынлары ҳәм илимий шөлкемлер өзиниң жоқары турыўшы министрлик ҳәм мәкемелерине мүрәжат етеди.

 

 Таянын докторантура ҳәм еркин излениўшиликке талабанға қойылатуғын талаплар нелерден ибарат?

 -  Ҳүкимет қарары 1-қосымшасының 9-12-бәнтлеринде көрсетилген https://lex.uz/docs/3213410#3213547

 

 Илимий атаққа ийе болған PhD неше излениўшиге илимий басшылық қылыўы мүмкин?

 -  Биринши мәрте басшылық етип атырған болса, 1 ҳәм жумысының нәтийжелилигине қарап максимум 2 PhD илимий дәрежесине талабан болған излениўшиге басшылық етиўи мүмкин.

 

 Жақында PhD ды жақлаған адам таяныш докторантура ушын басшылық ете алады ма?

 -  Яқ. Доцент яки профессор атағын алған PhD яки DSc болса ғана басшылық ете алады.

 

 Қәнигелиги англичан тили болғанлар C1 сертификаты болса имтиханнан азат етиле ме?

 - Таяныш докторантурада оқыў ушын талабанлар қәнигелик ҳәм шет тили бойынша кириў имтиханларын тапсырады. Талабанларда IELTS (кеминде 5,5 балл), TOEFL (РВТ) (кеминде 567 балл), TOEFL (iBT) (кеминде 87 балл), CEFR (В2 дәрежеден пәс болмаған) бойынша сертификатлары болса, шет тили имтиханынан азат етиледи.

 

 Докторант ўақтында жақламаса яки улыўма жақламаса стипендияны қайтарып төлей ме?

 -  Яқ. Бирақ илимий басшыға шара көриледи. Кейинги жылларда усы шөлкемге (ЖООна) докторантураға квота берилмеўи ҳаққында қарар қабыллаўға тийкар болады.

 

 Таяныш докторантларға оқыў қашаннан басланады?

 -  Жаңа календарь жылдың биринши жумыс күнинен.

 

 Докторантурада академиялық дем алыс бериле ме?

 -  Узақ мүддет кеселленсе яки туўыў менен байланыслы жағдайларда бериледи.

 

Дерек: https://t.me/xaliq_ushin/1549

скачать dle 10.6фильмы бесплатно



  • 11-08-2020, 12:50 |
  • 890