Кириў имтиҳанларында абитуриентлер 2 пәннен тест шешеди. Сораўлар аңсатластырылған

Мәмлекетлик тест орайы директоры Мажид Каримов усы жылы стадионларда өткерилетуғын тест сынақларының жаңа тәртиби туўралы мағлыўмат берди.

 

«Ҳәр жылы бизде имтиҳан 3 пәннен болған, оған 3 саат ажыратылған. Усы жыл пәнлердиң саны 2, тийкарында 5еў болыўы керек еди. Бирақ, пандемия шараятын есапқа алып мәжбүрий бөлегин алып таслап, 2 жөнелис пәнлери қалдырылды.

Тест материаллары әпиўайыластырылған. Тест сынақлары китабында 4 түрдеги қурамалылық дәрежесине бола сораўлар болады, өз нәўбетинде пропорция менен бөлистириледи. Төртинши дәрежедеги, Олимпиада таңлаўларында қойылатуғын қурамалы сораўлар улыўма алып тасланды. Қурамалылыққа қарап үшинши дәрежедеги сораўлар 30дың ишинде 12 болған болса, биз оның ярымын алып 6 ўын қалдырдық. Ең әпиўайы дәрежедеги 6 сораўға үшинши дәрежедеги сораўлардың 6 ўын түсирдик, нәтийжеде ең әпиўайы сораўлар 12 болды. екинши дәрежедеги қурамалылықтағы сораўлар 12и қалды», - дейди қәниге.

 

Тест сынақлары азанғы саат 8ден 10 ға шекем, екинши сменасы саат 17:00ден 19:00ге шекем болыўы режелестирилмекте.

 

Ҳәр бир абитуриент дезинфекциялық коридордан өткенинде жаңа медициналық нықап ҳәм қолқап, антисептик затларды қолланылып киргизиледи. Тест сынақлары стадионда болып атырғанын есапқа алып, абитуриентлерге қуяштан сақлаў ушын ақ кепкалар бериледи, деп жазады daryo.uz.

https://daryo.uz/k/2020/08/08/ozbekistonda-otmlarga-kirish-imtihonlarida-abituriyentlar-2-ta-fandan-test-yechadi/

 

Аўдарма: makan.uz

скачать dle 10.6фильмы бесплатно



  • 8-08-2020, 22:31 |
  • 1 539