Абитуриент рухсатнамасы қашаннан баслап бериледи?

Ҳәзирги ўақытта абитуриентлер тәрепинен Мәмлекетлик тест орайына "Абитуриент рухсатнамасы"н алыў бойынша көплеген мүрәжатлар келип түспекте, деп жазады МТО.

 

Рухсатнаманы қәлиплестириў ҳәм абитуриентке жеткериў ушын тест сынақларын өткериў мүддетлери белгиленген болыўы керек.

 

Елимизде карантин шеклеўлери даўам етип атырғаны себепли жоқары оқыў орынларының бакалавриат билимлендириў бағдарларына оқыўға кириў тест сынақларын өткериў бойынша анық сәне белгиленбеди.

 

Тест сынақларын өткериў сәнеси елимиздеги эпидемиологиялық жағдай турақласқаннан соң ӨзР билимлендириў мәкемелерине оқыўға қабыллаў бойынша Мәмлекетлик комиссиясы тәрепинен белгиленеди.

 

Анық сәне белгиленгеннен соң "Абитуриент рухсатнамасы" қәлиплестириледи ҳәм абитуриентлер рухсатнаманы abitur.dtm.uz сайты арқалы жүклеп алыўы мүмкин болады.

 

Тест сынақларын өткериў сәнеси белгиленсе, Мәмлекетлик тест орайының рәсмий веб-сайты, социаллық тармақлардағы каналлары ҳәм ҒХҚ арқалы жәрияланады.

 

Еслетип өтемиз, "Абитуриент рухсатнамасы" тест сынақларына қатнасыў ушын әҳмийетли ҳүжжет болып онда абитуриенттиң жеке мағлыўматлары менен бирге:

 

- тест тапсырыў аймағы;

 

- тест тапсырылатуғын сәне ҳәм ўақыт;

 

- тест өткерилетуғын имарат;

 

- тест тапсырылатуғын смена ҳәм топар номери сыяқлы бир неше мағлыўматлар болады.

 

Ислам Матеков,

Қарақалпақстан хабар агентлиги.

скачать dle 10.6фильмы бесплатно



  • 28-07-2020, 15:04 |
  • 2 677