Венгрия өзбекистанлы студентлер ушын жылына 30 стипендия ажыратады

27-июнь күни Өзбекистан Сыртқы ислер министри Абдулазиз Комилов мәмлекетимизге рәсмий сапар менен келген Венгрияның Сыртқы экономикалық байланыслар ҳәм сыртқы ислер министри Петер Сиярто менен ушырасты, деп хабар бермекте Сыртқы ислер министрлиги баспасөз хызмети.

Ушырасыўда финанс, аўыл ҳәм суў хожалығы, аўыл хожалығы өнимлерин қайта ислеў ҳәм билимлендириў тараўларындағы потенциаллы қоспа жойбарлар әмелий жақтан сөйлесилди. Атап айтқанда, Венгрия тәрепи өзбекистанлы студентлер билим алыўлары ушын жылына 30 стипендия ажыратыўды режелестирмекте.

Сөйлесиўлер тамамланғаннан соң Өзбекистан Ден саўлықты сақлаў министрлиги менен Венгрия Инсан ресурслары министрлиги ортасында 2017-2020-жылларға арналған ден саўлықты сақлаў тараўында бирге ислесиў ҳаққындағы келисим министрлер тәрепинен тастыйықланды.

скачать dle 10.6фильмы бесплатно



  • 27-06-2017, 17:24 |
  • 312