Ҳаял-қызлар ушын қосымша грант тийкарында жоқары оқыў орынларына кириў тәртиби белгиленди

 

Ҳүкимет қарары  (https://t.me/huquqiyaxborot/7439)(402-санлы, 23.06.2020-жыл.) менен жоқары оқыў орынларына қабыллаў квоталарының айрықша ҳаял-қызлар ушын ажыратылған 4% лик орынларға (https://t.me/xaliq_ushin/1025) усыныс бериў тәртиби тастыйықланды.

 

Оған муўапық, бундай усыныслар (тавсияномалар) төмендеги категориялардан бирине кириўши ҳаял-қызларға бериледи:

✔️Кем тәмийинленген шаңарақтан шыққан ҳаял-қызлар;

✔️Толықсыз шаңарақта (ата-анасынан бири қайтыс болған) тәрбияланып атырған ҳаял-қызлар;

✔️14 жасқа шекем болған еки ҳәм оннан артық перзентлерин тәрбиялап атырған, басқа ағайинлеринен бөлек жасап атырған жалғыз ҳаял (еркек)лердиң қызлары;

✔️Өзиниң турақ жайына ийе болмаған, ижарада жасап атырған шаңарақлар;

✔️Ата-аналарынан бири яки екеўи де жумыссыз болған ҳәм жумыс излеўши сыпатында халықтың бәнтлигине көмеклесиў орайларында есапта турған шаңарақтың қызлары;

✔️Майыплығы болған перзенти бар шаңарақлардан шыққан ҳаял-қызлар;

✔️Жоқары мағлыўматлы ҳаял-қызлар менен қамтып алыў дәрежеси республиканың орташа көрсеткишинен еки яки оннан артық есе төмен болған болған районлар, сондай-ақ алыс ҳәм барыў қыйын болған аймақларда жасаўшы шаңарақлардағы қыз перзентлер (питкергеннен кейин өз аймақларында 3 жыл ислеў шәрти менен).

 

✅ Усынысты бериў тәртиби.

 

☑️ Ҳәр жылы февраль айында ҳаял-қызларға усыныс бериў бойынша жумысшы топар дүзиледи.

 

Район (қала) мәҳәлле ҳәм шаңарақты қоллап-қуўатлаў бөлимлери абитуриентлердиң арзасы ҳәм тийисли ҳүжжетлерин ҳәр жылы 10-майға шекем Қарақалпақстан Республикасы Мәҳәлле ҳәм шаңарақты қоллап-қуўатлаў министрлиги, ўәлаятлар ҳәм Ташкент қаласы мәҳәлле ҳәм шаңарақты қоллап-қуўатлаў басқармаларына усынады.

 

Жумысшы топар тәрепинен қосымша квота ушын таңлаўларда қатнасыўға сайлап алынған ҳаял-қызлардың дизими ҳәр жылы 15-июнға шекем Мәмлекетлик тест орайына усынылады ҳәм ӨзР Мәҳәлле ҳәм шаңарақты қоллап-қуўатлаў министрлигиниң рәсмий веб-сайтында жәрияланады.

 

⌛️Усыныс мүддети 3 жыл.

 

1️⃣ Усыныс абитуриент сайлаған 5 бағдардың тек бириншисине тәсир етеди.

 

Усы жылы қандай болады деген сораў пайда болады. Бул сораўдың жуўабын Қарардың тексти толық жәрияланғанда билип аламыз.

 

Аўдарма: https://t.me/xaliq_ushin

скачать dle 10.6фильмы бесплатно



  • 23-06-2020, 19:05 |
  • 1 650