Қарақалпақ мәмлекетлик университети ректорының биринши жумыс күни

 

Қарақалпақ мәмлекетлик университети ректорының биринши жумыс күни

 

karinform.uz басылымында Ислам Матековтың берген мағлыўматы бойынша 19-июнь күни Бердақ атындағы Қарақалпақ мәмлекетлик университетиниң Мәденият сарайында кеңейтилген мәжилис болды. Мәжилисте Өзбекистан Республикасы Жоқары ҳәм орта арнаўлы билимлендириў министри Р.Қасымов ҳәм Қарақалпақстан Республикасы Жоқарғы Кеңесиниң Баслығы М.Ерниязовлар қатнасты. Илажда университеттиң ректорлығына Реймов Ахмет Мәмбеткаримовичти сайлаў мәселеси көтерилген ҳәм бир даўыстан мақулланған.

Деректиң берген мағлыўматына қарағанда, Ахмет Реймов 1977-жылы Қарақалпақстан Республикасының Қараөзек районында туўылған. 2014-жылдан усы күнге шекем Өзбекистан Илимлер Академиясы Улыўмалық ҳәм органикалық емес химия Институты директорының илимий ислер бойынша орынбасары лаўазымында ислеген, техника илимлериниң докторы илимий дәрежесине ийе. 2008-жылы «Өзбекистан белгиси» көкирек белгиси менен сыйлықланған.
Қарақалпақ мәмлекетлик университети ректоры өз ўазыйпасына сол күннен баслап киристи. Университеттиң рәсмий веб-сайтында жаңадан сайланған ректор Ахмет Реймовтың дәслепки сүўрети пайда болды.

 

Дерек: karinform.uz

скачать dle 10.6фильмы бесплатно



  • 21-06-2017, 18:16 |
  • 522