Волонтерлар ушын қысқы лагерь шөлкемлестирилди

 

Волонтерлар ушын қысқы лагерь шөлкемлестирилди

 

«Истиқболли авлод» Республика социаллық информациялық орайының жаслары 2020-жылды «Ҳеш ким шетте қалмайды» ураны менен волонтерлар ушын шөлкемлестирилген қысқы лагерьде баслады. Лагерь 5-январьдан 11-январьға шекем болып өтти. Лагерь қатнасыўшылары Ташкент, Андижан, Бухара, Наманган, Жиззах, Гүлистан, Қарши, Үргениш ҳәм Нөкис қаласынан келген орай волонтерлары болды.

Волонтерлар ушын қысқы лагерь шөлкемлестирилди

 

Лагерьдиң биринши сессиясы Бирлескен миллетлер шөлкеминиң Турақлы раўажланыў мақсетлерине арналды.

Соның менен бирге, илаж барысында 2017-2021-жылларда Өзбекстан Республикасын еле де раўажландырыў бойынша Ҳәрекетлер стратегиясының мақсетлери ҳаққында мағлыўматлар берилди.

Волонтерлар ушын қысқы лагерь шөлкемлестирилди

 

Буннан тысқары волонтерларға адам саўдасынан жәбирленгенлер, әззи жағдайлардағы мигрантлар, зорлықтан жәбир шеккен адамлар, бир мәртелик/ўақтынша жумыс излеўшилер, мектеп оқыўшылары, лицей, колледж питкериўшилеринен ибарат  қатламлар көбирек ҳуқықый мәсләҳатке ҳәм жәрдемге мүтәж екенлиги атап өтилди.

Мағлыўмат ушын, «Истиқболли авлод» Республикалық социаллық-информациялық орайы ҳәр бир адамға бийпул түрде, адам саўдасы ҳәм зорлықтың басқа түрлерине қарсы гүресиў бойынша адвокатлық ҳәм ҳуқықый жәрдем, социаллық-экономикалық хызмет көрсетиў арқалы инсан ҳуқықларын тәмийинлеўдиң турақлы системасын жаратыўды өзиниң ўазыйпасы етип алған.

«Истиқболли авлод» Республика социаллық информациялық орайының Қарақалпақстан Республикасы бөлиминиң исеним телефон номери +998956059494.

Лола Қаллыханова,

журналист

скачать dle 10.6фильмы бесплатно



  • 13-01-2020, 16:15 |
  • 360