«Бозаўыл»да жаңа мектеп ашылды

 

«Бозаўыл»да жаңа мектеп ашылды

 

Пайтахтымыздағы 57-санлы «Теле орай» мәкан пуқаралар жыйынына қараслы «Бозаўыл» елатлы аймағында 51-санлы улыўма орта билим бериў мектебиниң жаңа имараты пайдаланыўға тапсырылды.

Усы мүнәсибет пенен өткерилген илажда Өзбекстан Республикасы Халық билимлендириў министри Шерзод Шерматов қатнасты.

Усы жылдың июль айында қурылысы басланған бул мектеп имаратын пайтахтымыздағы хожалық есабындағы «Нөкисинвестстрой» қурылыс кәрханасының қурылысшылары қурып питкерип, аймақ балаларына саўға етти. Бул жерде 3 миллиард 300 миллион сумлық қурылыс жумыслары орынланды.

«Бозаўыл»да жаңа мектеп ашылды

 

-Жәми 180 оқыўшыға мөлшерленген мектеп имаратының пайдаланыўға тапсырылыўы турғынларымыз ушын ҳақыйқый байрам саўғасы болды,-дейди 51-санлы улыўма орта билим бериў мектеби директорының руўхый-ағартыўшылық ислери бойынша орынбасары Г.Мәткаримова. – Себеби, аймағымызда оқыў орны болмағанлықтан балалар 2-3 километр узақта жайласқан Нөкис қалалық халық билимлендириў бөлимине қараслы 7-санлы, 31-санлы, 38-санлы ҳәм 42-санлы мектеплерге қатнап оқып келди. Бул болса, бир қатар машқалаларды келтирип шығарар еди. Енди болса, жақын, кең ҳәм жақтылы, барлық қолайлықларға ийе мектепте оқыйтуғын болды. Буның ушын ата-аналар атынан шексиз миннетдаршылық билдиремиз.

 

«Бозаўыл»да жаңа мектеп ашылды

 

М.ПИРНАЗАРОВА,

Қарақалпақстан хабар агентлигиниң хабаршысы.

скачать dle 10.6фильмы бесплатно



  • 11-12-2019, 19:43 |
  • 822