2019-jıldıń 26-dekabr kúni Nókiste saqıynalı quyash tutılıwın gúzetiw múmkin  

2019-jıl 26-dekabr sánesinde Saqıynalı Quyash tutılıwı bolıp ótiwi kútilmekte. Bul Quyash tutılıwı Saudiya Arabistanı, Hindistannıń qubla aymaqları hám Indonesiya mámleketlerinde Saqiynalı Quyash tutılıwınıń tolıq fazasın baqlawı múmkin.

Evropa shıǵısındaǵı mámleketler, Orta Aziya hám Avtraliyanıń arqa-batıs aymaqlarında úlesli Quyash tutılıwın baqlawı múmkin.

Bul Quyash tutılıwın Ózbekistan respublikasında barlıq aymaqlarında úlesli Quyash tutılıwın baqlaw múmkin. Sonday-aq Nókis qalasında hám Qaraqalpaqstan respuplikasınıń basqa aymaqlarında da úlesli Quyash tutılıwın baqlawı múmkin.

Bunday Quyash tutılıwlarınıń insanlarǵa hesh qanday ziyanlı tásiri joq. Kerisinshe Quyash hám Ay tutılıwların baqlaw ilmiy izertlewlerde ayrıqsha ahmiyetke iye. Sonıń menen birge insanlardıń Astronomiya (aspan denelerin izertlewshi ilim) pánine qiziǵıwshılıǵın ǵalabalıq túrdegi asırıwǵa paydalı.

Saqıynalı Quyash tutılıwı dep - Ay Quyashtıń orayın tolıq tosadı, biraq tolıq Quyash tutılıwı waqıtında Ay átirapında jińishke sheńber kórinishindegi Quyash nurı payda boladı. Quyash tutılıwınıń bul jaǵdayı Quyash, Ay hám Jer arasındaǵı aralıqlardıń ádettegige salıstırǵanda ózgesheligi sebeli júzege keledi.

 

2019-jıldıń 26-dekabr kúni Nókiste saqıynalı quyash tutılıwın gúzetiw múmkin  

1-súwret. 2017-jıl 26-fevralda baqlanǵan Saqıynalı Quyash tutılıwınıń tolıq fazası, Tokyo, Yaponiya

 

2019-jıldıń 26-dekabr kúni Nókiste saqıynalı quyash tutılıwın gúzetiw múmkin  

2-súwret. Saqıynalı Quyash tutılıwın baqlaw múmkin bolǵan aymaqlar – pútkil dúya júzlik kartasında

 

2-keste. 2019-jıl 26-dekabrde bolıp ótetuǵın Saqıynalı Quyash tutılıwınıń Nókis qalasındaǵı baslanıw hám juwmaqlanıw waqıtları

 

Nókis qalası

Jergilikli waqıt

Sáne

Jıl

Úlesli tutılıwdıń baslanıwı

07:55

26-dekabr

2019

Quyash shıǵıwı (Tań atıwı)

08:31

26-dekabr

2019

Úlesli tutılıwdıń eń joqarı shıńı

08:54

26-dekabr

2019

Úlesli tutılıwdıń juwmaqlanıwı

09:59

26-dekabr

2019

Úlesli tutılıwdıń tolıq dawamlılıǵı

1 saat 28 minut

26-dekabr

2019

2019-jıldıń 26-dekabr kúni Nókiste saqıynalı quyash tutılıwın gúzetiw múmkin  

3-súwret. Saqıynalı Quyash tutılıwınıń Nókis qalasındaǵı kóriniw shártleri

 

Matekov Azizbek

ÓzR IA Uluǵbek atındaǵı

Astronomiya institutı

kishi ilmiy izertlewshi 

 

скачать dle 10.6фильмы бесплатно



  • 4-12-2019, 15:00 |
  • 1 619